“Qlik” Azərbaycan planlarını elan edib
“Active Intelligence” üçün yaradılmış kompleks platforma sahəsində istehsalçı, təhlil və Business Intelligence platformalar sahəsində fəaliyyət göstərən “Qlik” şirkəti Azərbaycanda analitik cəmiyyətin inkişafına sərmayə yarırmaq planları barədə elan edib.
Şirkətin yaydığı məlumatda bildirilir ki, “Qlik” MDB tərəfdaşlıq şəbəkəsini, Azərbaycanın ali məktəbləri ilə fəaliyyəti, həmçinin dünyada və MDB-nin digər ölkələrində əla nəticələr göstərən analitik savadlılığın artırılması üzrə maarifləndirmə layihələrini fəal inkişaf etdirməyi planlaşdırır.
Dünyada 38 mindən artıq şirkət analitika və məlumatların inteqrasiyası üçün Qlik platformasından fəal istifadə edir, bunun 3 mindən çox MDB ölkələrindədir.
“Qlik”in Azərbaycan üzrə direktoru vəzifəsinə Vladimir İtkin təyin olunub. O, əvvəl “Qlik”in Rusiya və MDB-də korporativ biznesinə cavabdeh şəxs olub.
“Məqsədimiz Azərbaycanda analitik cəmiyyətin intensiv inkişafı üçün şərait yaratmaq, dünyada və MDB ölkələrində artıq sınaqdan keçmiş alətlərdən istifadə etməklə tərəfdaşlar, tələbələr və şirkət əməkdaşlarının analitik savadlılıq səviyyəsini artırmaqdır. Bu alətlər – data-savadlılıq üzrə testlər, açıq maarifləndirici marafonlar, həm korporativdaxili, həm də bütün ölkə miqyasında analitik cəmiyyətlərin yaradılmasıdır”, - “Qlik” MDB-nin regional direktoru Aleksey Artemenko bəyan edib.
Qlik – mənzil-qərargahı Radnorda yerləşən (ABŞ, Pensilvaniya ştatı) Business Intelligence sistemləri üçün proqram təminatı hazırlayan şirkətdir. 1993-cü ildə İsveçdə təsis edilib. Əsas məhsulu – BI-platforma proqramıdır.
BusinessTime
