2026 Dünya Kubokunun qalibi nə qədər qazandı?
2026-cı il FIFA Dünya Kuboku başa çatdıqdan sonra turnuvanın mükafat fondu da açıqlanıb.
Finalda Argentinanı əlavə vaxtda 1:0 hesabı ilə məğlub edən İspaniya dünya çempionu olmaqla yanaşı, FIFA-nın təqdim etdiyi ən yüksək pul mükafatına da sahib çıxıb.
FIFA-nın açıqladığı bölgüyə əsasən, 48 komandanın iştirak etdiyi mundialın qalibi olan İspaniya 50 milyon ABŞ dollarımükafat qazanıb. Bu, Dünya Kuboku tarixində çempion komandaya verilən ən böyük pul mükafatıdır. Əvvəlki rekord 2022-ci ildə dünya çempionu olan Argentinanın əldə etdiyi 42 milyon dollar idi.
Finalda məğlub olaraq ikinci yeri tutan Argentina 33 milyon dollar, üçüncü yeri qazanan İngiltərə 29 milyon dollar, dördüncü olan Fransa isə 27 milyon dollar mükafat əldə edib.
FIFA-nın mükafat bölgüsünə əsasən, dörddəbir final mərhələsində mübarizəni dayandıran komandaların hər biri 19 milyon dollar, 1/8 finala qədər irəliləyən yığmalar isə 15 milyon dollar qazanıb.
Turnuvanı 17–32-ci yerlər arasında başa vuran komandalara 11 milyon dollar, qrup mərhələsində mübarizəni başa vuran yığmalara isə 9 milyon dollar ödənilib.
Beləliklə, 2026-cı il Dünya Kubokunda həm idman nəticələri, həm də rekord həcmli mükafat fondu diqqət çəkən məqamlardan biri olub.
