Apreldə Azərbaycan mobil internetin sürətinə görə 4 pillə geriləyib
Bu ilin aprel ayında Azərbaycan mobil internetin sürətinə görə 138 ölkə arasında 39,12 MB/S sürətlə 58-ci yerdə qərarlaşıb.
Bu barədə BusienssTime-a “Speedtest Global Index”ə istinadən xəbər verir.
Məlumata görə, Azərbaycan bu ilin mart ayına nisbətən 4 pillə geriləyib.
Mobil internetin sürətinə görə birinci yeri Qatar (189,98 MB/S), sonuncu - 138-ci yeri isə Yəmən (3,98 MB/S) tutub.
Ötən ay Azərbaycan sabit genişzolaqlı internetin median sürətinə görə isə dünyada 116-cı yerdə qərarlaşıb. Bu isə əvvəlki ayla müqayisədə 2 pillə irəliləməkdir. Apreldə ölkədə sabit genişzolaqlı internetin median sürəti 28,83 MB/S olub.
Sabit genişzolaqlı internetin sürəti ilə bağlı araşdırma 180 ölkədə aparılıb. Birinci yeri Sinqapur (242,01 MB/S), sonuncu yeri isə Kuba (1,97 MB/S) tutub.
