"Atasığorta"ya sədr təyin edilib
“Atasığorta” ASC-nin İdarə Heyətinin sədri vəzifəsini müvəqqəti icra edən Xətai İsmayılov sədr vəzifəsinə təsdiqlənib.
Bu barədə şirkətdən bildirilib.
O, indiyə qədər "Atasığorta"nın sədr müavini olub və yeni vəzifəsində Orxan Məmmədovu əvəz edib.
Xatırladaq ki, “Atasığorta” 2004-cü ildən fəaliyyət göstərir, "AtaHolding" MMC-yə daxildir. Onun nizamnamə kapitalı 14,6 milyon manatdır. Şirkətin səhmləri 100% adı çəkilən holdinqə məxsusdur.
