"Azərmaş Group" 10 milyon dollarlıq istiqraz buraxır
"Azərmaş Group" MМС "Bakı Fond Birjası" (BFB) QSC-də 10 milyon ABŞ dolları dəyərində faizli, təmin edilməmiş, sənədsiz, adlı istiqraz yerləşdirməyə hazırlaşır.
BusinessTime "Report"a istinadən xəbər verir ki, bu barədə qiymətli kağızların emissiya prospektində məlumat verilib.
Məlumata görə, hər birinin nominal dəyəri 100 ABŞ dolları olan 100 000 ədəd istiqraz kütləvi təklif üsulu ilə yerləşdiriləcək və 24 ay tədavüldə olacaq. Onların illik gəlirliliyi 9 %-dir. Faizlər rüblük ödəniləcək.
Prosesin anderrayteri "Troni İnvestisiya Şirkəti" QSC-dir. Bununla yanaşı, istiqrazları almaq istəyən şəxslər BFB-nin üzvü olan digər investisiya şirkətlərinə də müraciət edə bilərlər.
