“İnflyasiyaya görə istehlak kreditləri azaldılıb”
“Azərbaycanda inflyasiya əsasən xarici mənşəli amillərlə bağlıdır. Cari ildə Mərkəzi Bank inflyasiyanı məhdudlaşdırmaq istiqamətində müvafiq tədbirlər həyata keçirib”.
Bunu Milli Məclisin İqtisadi siyasət, sənaye və sahibkarlıq komitəsində “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı Mərkəzi Bankın sədri Taleh Kazımov bildirib.
Onun sözlərinə görə, ölkədə pul bazarının infrastrukturu təkmilləşdirilib, banklararası aktivlik artıb: “Azərbaycanda bu il inflyasiyanın məhdudlaşdırılması siyasəti çərçivəsində istehlak kreditlərinin azaldılması siyasəti aparılıb”.
Onun sözlərinə görə, büdcə paketi makro-iqtisadi tədbirləri və valyuta sabitliyini dəstəkləyir. (Qafqazinfo)
