SOCAR prezidenti Venesuela səfiri ilə görüşüb
![SOCAR prezidenti Venesuela səfiri ilə görüşüb](https://azertag.az/files/2023/3/1200x630/16999538058328013_1200x630.jpg)
Dövlət Neft Şirkətinin (SOCAR) prezidenti Rövşən Nəcəf Venesuela Bolivarın ölkəmizdəki fövqəladə və səlahiyyətli səfiri Kristofer Alberto Martinez Berroteran ilə görüşüb.
SOCAR-dan bildirilib ki, görüşdə ölkələrimiz arasında enerji sektorunda qarşılıqlı əməkdaşlıq münasibətlərinin genişləndirilməsi perspektivləri müzakirə olunub. Azərbaycanın təşəbbüsü ilə həyata keçirilən qlobal enerji layihələri barədə məlumat verilib, SOCAR-ın çoxşaxəli fəaliyyəti və uzunmüddətli strateji hədəflərindən bəhs edilib.
Görüş çərçivəsində SOCAR ilə Venesuela şirkətləri arasında neft-qaz sektorunda əməkdaşlıq, karbohidrogen ehtiyatlarının işlənməsi, habelə dekarbonizasiya və kadrların hazırlanması sahəsində qarşılıqlı təcrübə mübadiləsinin təşkili məsələləri ətrafında fikir mübadiləsi aparılıb.