Azərbaycanda XÖHKS üzrə əməliyyatların həcmi 11,1 % artıb
2026-cı ilin iyul ayında Azərbaycanda Xırda Ödənişlər üzrə Hesablaşma Klirinq Sistemi (XÖHKS) vasitəsilə həyata keçirilən əməliyyatların həcmi 5,188 milyard manat təşkil edib.
Azərbaycan Mərkəzi Bankının (AMB) yaydığı statistik bülletenə əsasən, hesabat ayında XÖHKS üzrə əməliyyatların sayı 8,177 milyon vahid olub.
Mərkəzi Bankın məlumatları əsasında aparılan hesablamalara görə, XÖHKS vasitəsilə həyata keçirilən əməliyyatların həcmi ötən ilin iyun ayı ilə müqayisədə 52 milyon manat və ya 11,1 faiz artıb.
Bununla yanaşı, əməliyyatların sayında azalma qeydə alınıb. Belə ki, iyul ayında XÖHKS üzrə əməliyyatların sayı əvvəlki ilin iyun ayı ilə müqayisədə 2,214 milyon vahid və ya 21,3 faiz azalıb.
Ödəniş kartlarının sayı 22,785 milyona çatıb
AMB-nin iyul ayının sonuna olan məlumatına görə, bank sistemi və “Azərpoçt” MMC vasitəsilə dövriyyədə olan ödəniş kartlarının sayı 22,785 milyon ədədə yüksəlib.
Mərkəzi Bankın məlumatları əsasında aparılan hesablamalara əsasən, bu göstərici ötən ilin eyni dövrü ilə müqayisədə 8,9 faiz artıb.
Hesabat dövründə debet kartlarının sayı 10,5 faiz artıb, kredit kartlarının sayı isə 4,6 faiz azalıb.
Nağdsız əməliyyatlarda 13,9 faiz artım
Mərkəzi Bankın məlumatına görə, 2026-cı ilin əvvəlindən ölkə daxilində nağdsız əməliyyatların həcmi ötən ilin eyni dövrü ilə müqayisədə 13,9 faiz artıb.
2026-cı ilin iyul ayında ölkə daxilində ödəniş kartları vasitəsilə həyata keçirilən nağdsız ödənişlərin həcmi 9,712 milyard manat təşkil edib.
Nağdsız ödənişlərin ümumi həcmində elektron ticarətin payına 8,455 milyard manat, POS-terminallar vasitəsilə aparılan əməliyyatların payına 1,255 milyard manat, özünəxidmət terminalları və bankomatlar vasitəsilə həyata keçirilən əməliyyatların payına isə 2 milyon manat düşüb.
AMB qeyd edib ki, ilin əvvəlindən ödəniş kartlarından istifadə edilməklə ölkə daxilində aparılan nağdsız əməliyyatların həcmi ölkədaxili kart əməliyyatlarının ümumi həcminin 69,8 faizini təşkil edib.
