“Qalatasaray” mübarizəni dayandırdı

UEFA Çempionlar Liqasının (ÇL) qrup mərhələsində sonuncu – VI tura start verilib.

İlk oyun günündə səkkiz qarşılaşma keçirilib.

A qrupunda bütün suallara bu turda aydınlıq gəlib. Türkiyə “Qalatasaray”ı Danimarkada “Kopenhagen”in, Almaniya “Bavariya”sı isə İngiltərədə “Mançester Yunayted”in qonağı olub. Rəqibinə 0:1 hesabı ilə uduzan İstanbul təmsilçisi ÇL-də mübarizəni dayandırıb. Qrupu üçüncü pillədə tamamlayan "Cim-Bom" yoluna Avropa Liqasının pley-off mərhələsində davam edəcək. Evdə "Bavariya"ya eyni hesabla məğlub olan "Mançester Yunayted" isə avrokuboklarla vidalaşıb.

B qrupunda ilk iki pillənin sahibi bəlli olduğundan, əsas mübarizə Avropa Liqasına düşmək uğrunda gedirdi. Bu mənada, Fransada “Lans” və İspaniyanın “Sevilya” komandaları arasında görüş xüsusi önəm daşıyırdı. Bu matçda 2:1 hesablı qələbə qazanan meydan sahibləri qitənin ikinci dərəcəli klub turnirində oynamaq hüququ əldə ediblər.

C qrupunda 1/8 finala vəsiqəni daha əvvəl rəsmiləşdirən İspaniya “Real Madrid”i Almaniyada "Union"u üstələyib. İkinci yerin sahibi isə İtaliyada “Napoli” ilə Portuqaliya “Braqa”sı arasındakı matçda müəyyənləşib. Doğma meydanda 2:0 hesablı qələbəyə sevinən neapollullar qrup ikincisi kimi növbəti mərhələyə adlayıblar.

D qrupunda İtaliya “İnter”i evdə İspaniya “Real Sosyedad”ı ilə qolsuz heç-heçə edib. Bu qrupda da əsas mübarizə 3-cü yer uğrunda getdiyindən, Avropa Liqasına vəsiqənin sahibi Avstriyada “Zaltsburq”la Portuqaliya “Benfika”sı arasında keçirilən qarşılaşmada müəyyənləşib. Səfərdə meydan sahiblərinə 3:1 hesabı ilə məğlub edən qonaqlar Avropa Liqasına vəsiqə qazanıblar.

Çempionlar Liqası

Qrup mərhələsi, VI tur

12 dekabr

A qrupu

00:00. “Mançester Yunayted” (İngiltərə) – “Bavariya” (Almaniya) - 0:1

00:00. “Kopenhagen” (Danimarka) – “Qalatasaray” (Türkiyə) - 1:0

Xal durumu: “Bavariya” – 13, “Kopenhagen” – 8, “Qalatasaray” – 5, “Mançester Yunayted” - 4.

B qrupu

21:45. “Lans” (Fransa) – “Sevilya” (İspaniya) - 2:1

21:45. PSV (Niderland) – “Arsenal” (İngiltərə) - 1:1

Xal durumu: “Arsenal” – 13, PSV – 9, “Lans” – 8, “Sevilya” - 2.

C qrupu

00:00. “Napoli” (İtaliya) – “Braqa” (Portuqaliya) - 2:0

00:00. “Union” (Berlin, Almaniya) – “Real Madrid” (İspaniya) - 2:3

Xal durumu: “Real” – 18, “Napoli” – 10, “Braqa” – 4, “Union” - 2.

D qrupu

00:00. “İnter” (İtaliya) – “Real Sosyedad” (İspaniya) - 0:0

00:00. “Zaltsburq” (Avstriya) – “Benfika” (Portuqaliya) - 1:3

Xal durumu: “Real Sosyedad” – 12, “İnter” – 12, “Benfika” - 4, “Zaltsburq” – 4.