“Qəbələ” nigeriyalı futbolçu ilə müqavilə imzalayıb
Transfer çalışmalarını davam etdirən “Qəbələ” heyətinə daha bir futbolçu qatıb.
Bölgə təmsilçisinin mətbuat xidmətindən verilən məlumata görə, “qırmızı-qaralar” nigeriyalı Oçe Oçoveçi ilə anlaşıb.
Ukrayna Premyer Liqa təmsilçisi “Krivbas”da çıxış edən 22 yaşlı yarımmüdafiəçi birillik icarəyə götürülüb. Futbolçu karyerasına öz ölkəsinin “Platea Yunayted” komandasında başlayan Oçoveçi Portuqaliya klubu “Farense”nin də formasını geyinib.
