Təcrübə proqramına qeydiyyat başlayıb
Aqrar Sığorta Fondu tərəfindən Ümummilli lider Heydər Əliyevin anadan olmasının 100-cü ildönümünə həsr olunmuş “Gələcəyin aqrar sığortaçıları“ adlı təcrübə proqramına qeydiyyat başlayıb.
Qurumdan verilən məlumata görə, seçim mərhələsini uğurla keçən iştirakçılar 1 həftə davam edəcək təcrübə proqramı müddətində Fondun peşəkar əməkdaşları tərəfindən təşkil edilən təlimlərdə iştirak edərək nəzəri biliklərə yiyələnəcək, heyvandarlıq və bitkiçilik sahələrini ziyarət edib real öyrəndiklərini real iş mühiti ilə tanış olacaq və təcrübəni təsdiq edən sertifikat əldə edəcəklər.
Təcrübə proqramında iştirak üçün tələblər:
- Universitetlərin 3 və 4-cü kurs tələbələri iştirak edə bilər;
- Ofis proqramları üzrə biliklər;
- Yüksək ünsiyyətqurma bacarığı;
- Öyrənməyə və özünü fasiləsiz olaraq inkişaf etdirməyə həvəsi olan gənclər;
- Kritik düşünmə bacarığı;
- Komandada işləmək bacarığı.
Proqrama qoşulmaq istəyən tələbələr 29 may 2023-cü il tarixinə kimi CV-lərini mövzu hissədə “Gələcəyin aqrar sığortaçıları” qeyd edərək İ[email protected] elektron poçt ünvanına göndərə bilərlər.
