THY uçuş nöqtələrinin sayını artırır
![THY uçuş nöqtələrinin sayını artırır](https://azertag.az/files/2024/1/1200x630/17056621992444354340_1200x630.jpeg)
Dünyanın bir çox ölkəsinə uçuşlar edən “Türk Hava Yolları” (THY) aviaşirkəti martın 15-dən etibarən təyinat nöqtələrinin sayını artıracaq.
Bununla bağlı şirkətdən bildirilib. Məlumata əsasən, indiyə qədər beş qitədə 129 ölkə və 345 istiqamətə səfər edən THY martın 15-dən etibarən Avstraliyanın Melburn şəhərinə reyslər təşkil edərək altıncı qitəyə uçuşlara başladacaq. Beləliklə, aviaşirkətin hərəkət istiqamətindəki ölkələrin sayı 130-a yüksələcək.
Uçuşlar Sinqapurdan tranzit səfərlərlə həyata keçiriləcək ki, bununla da THY Melburn aeroportuna uçuş edən yeganə Avropa hava yolu şirkəti olacaq.