"Bespoke" Hekayələri: Phantom Syntopia “HEADLINER”
Phantom Syntopia, Rolls-Royce Motor Cars və Hollandiyalı dizayner Iris van Herpen arasındakı əməkdaşlıq, yalnızca dizayn və ideallarının birləşdirilməsi deyil. Bu, həmçinin iki komandanın birgə işləyərək mümkün olandan da artığını yaratmaq imkanı idi.
Bunun aydın göründüyü hissə avtomobilin “Headliner”-dir, yəni tavan örtüyü. Bu, texniki cəhətdən ən çətin olan “Weaving Water Starlight Headliner” bir dəri təbəqədən istifadə edilməklə hazırlanmışdır, daha sonra altından gümüşü “Liquid Metal” parçanı üzə çıxarmaq üçün diqqətlə kəsilmişdir.
Rolls-Royce-un “Bespoke Innovation” üzrə rəhbəri Andrew Corneloues belə şərh etdi: "Bunu düzgün işləmək üçün təxminən yeddi inkişaf mərhələsi lazım idi". "Heç bir qüsuru olmayan bir mükəmməl dəri parçasına sahib olmalı, sonra hər formanı kəsməli, arxaya yerləşdirilən materiala heç bir yapışqanın keçməməsini təmin etməli idik. Hamısı çox dəqiq olmalı idi."
“Headliner”-in üçölçülü görünüşü qismən altındakı parça üzərində örtülmüş dəridən və qismən də ən yaxşı şüşə orqanzadan hazırlanmış əl ilə tikilmiş ləçəklərin əlavə edilməsindən irəli gəlir. İris-in atelyesinin üzvləri Rolls-Royce-un Qudvuddakı evinə səfər edərək bu ləçəklərdən 162-ni ayrı-ayrılıqda tikiblər, onların hər biri bir az fərqli ölçülüdür ki, hamısı birlikdə yerləşdirildikdə hərəkət edən su təəssüratı yaradır. Ləçəklərin tikilməsi və yerləşdirilməsi prosesi təxminən 300 saat çəkdi.
“The Weaving Water” effekti daha da Rolls-Royce “Headliner”-in əlamətdar xüsusiyyəti olan fiber-optik ulduz işıqları ilə əks olunur. Burada “Headliner”-in 995 fiber-optik işığından 187-si hərəkət hissi yaratmaq üçün ardıcıl olaraq işıqlanır.
Yekun nəticə Rolls-Royce üçün bu yeni “Headliner”-in yaradılmasında sənətkarlıq səviyyəsini daha da yüksəklərə qaldıran kollektivlər tərəfindən təxminən 700 saatlıq iş tələb etdi.
