Bakı metrosu Fransa şirkəti ilə alış-verişə başlayıb
“Bakı Metropoliteni” QSC Fransanın dünyaca məşhur şirkəti ilə əməkdaşlığa başlayıb.
İqtisadiyyat.az-ın əldə etdiyi məlumata görə, bu, “Hitachi Rail GTS France SAS” şirkətidir.
Məlumata görə, “Bakı Metropoliteni” QSC sözügedən şirkətlə alqı-satqı müqaviləsi bağlayıb.
Müqavilədə metronun işarəvermə və rabitə xidməti üçün SK30K tipli ox sayğacı başlığların satınalınması nəzərdə tutulur.
Qeyd edək ki, “Hitachi Rail GTS France SAS” yerüstü nəqliyyat sistemləri, o cümlədən siqnalizasiya və magistral dəmir yolu şəbəkələri üçün texniki xidmət sahəsində ixtisaslaşmış şirkətdir.
