Volkswagen strategiyasını yenidən nəzərdən keçirir: ABŞ-da pikap istehsal edə bilər
Volkswagen inkişaf strategiyasına yenidən baxılması çərçivəsində ABŞ-da orta ölçülü pikap istehsalını təşkil edə bilər.
İlkin məlumatlara görə, Almaniya markasının yeni pikapı 2030-cu ilə yaxın ABŞ bazarında satışa çıxarıla bilər. Modelin istehsalının ABŞ-dakı zavodlardan birində həyata keçirilməsi nəzərdən keçirilir.
Volkswagen-in son dövrdə maliyyə və satış göstəriciləri o qədər də ürəkaçan deyil. Konsernin 2026-cı ilin ilk yarısına dair açıqladığı məlumatlara görə, dünya üzrə yeni avtomobil satışları 6,3 faiz azalaraq 4,1 milyon ədədə düşüb.
