"Ferrari" Yaxın Şərqə tədarükü dayandırdı
İtaliyanın idman avtomobilləri istehsalçısı "Ferrari", bölgədəki silahlı münaqişə səbəbindən Yaxın Şərqə bütün avtomobillərin tədarükünü müvəqqəti olaraq dayandırıb.
İqtisadiyyat.az xəbər verir ki, bu barədə şirkətin açıqlamasında deyilir.
"Biz Yaxın Şərqdəki inkişaf edən vəziyyəti yaxından izləyirik və biznesimizə potensial təsirini qiymətləndiririk", - məlumatda deyilir.
Qeyd olunub ki, "Ferrari" hələ də Yaxın Şərq müştərilərinə az sayda avtomobili hava yolu ilə çatdırır.
Eyni zamanda, "Volkswagen" qrupunun bir hissəsi olan "Bentley" də bölgəyə avtomobil tədarükünü müvəqqəti olaraq dayandırıb, lakin istehsal həcmlərini tənzimləməyib.
Əlavə edək ki, Yaxın Şərq lüks mallar üçün mühüm bir bazardır. 2025-ci ildə bu region "Ferrari"nin tədarükünün təxminən 4,6%-ni təşkil edib.
İlin əvvəlindən bəri şirkətin bazar kapitallaşması təxminən 12% azalaraq 68,6 milyard avroya düşüb.
