“Qarabağ”ın yay hazırlıq planı açıqlanıb
Yeni mövsümdə Azərbaycanı UEFA Çempionlar Liqasında təmsil edəcək “Qarabağ” komandasının mövsümlərarası fasilə dövründəki hazırlıq planı müəyyənləşib.
Klubdan verilən məlumata görə, Bakıda başlayacaq məşqlərə iyunun 18-də start veriləcək. Milli üzvləri olan futbolçular hazırlığa ayın 23-də qoşulacaqlar.
Paytaxtdakı toplanış çərçivəsində iki yoxlama oyununun keçirilməsi planlaşdırılır. Bu görüşlərin iyunun 29-da və iyulun 2-də təşkil olunması nəzərdə tutulub.
Hazırlıq prosesinin ikinci mərhələsi Avstriyada gerçəkləşəcək. Ağdam təmsilçisi iyulun 5-dən 17-dək Tirol bölgəsində təlim-məşq toplanışı keçirəcək. Toplanış çərçivəsində iki oyun günündə ümumilikdə 4 yoxlama görüşü təşkil olunacaq. Bu matçlardan ikisi iyulun 9-da, ikisi 16-da baş tutacaq.
