“Həzi Aslanov” və “Əhmədli” yarımstansiyaları yeni xətlə əlaqələndirilir – 28 milyonluq layihə
“Azərişıq ASC” Bakı şəhərinin Xətai rayonu ərazisində yerləşən mövcud 110/10/10 kV-luq “Radiozavod” yarımstansiyasının yenidən qurulması ilə bağlı iri həcmli layihə həyata keçirəcək.
Banker.az xəbər verir ki, layihəyə əsasən, yarımstansiya 110/35/10 kV-luq 2×40 MVA gücündə “GİS” tipli tam qapalı yarımstansiya kimi yenidən qurulacaq.
Bununla yanaşı, 110 kV-luq “Həzi Aslanov” – “Əhmədli” yarımstansiyaları arasında mövcud kabel xətti yeni yarımstansiyaya giriş-çıxış edilməklə əlaqələndiriləcək.
Müvafiq işlərin icrası “İMA-ENERGY MMC” şirkətinə həvalə olunub.
Layihənin dəyəri 28 270 116 manat təşkil edir.
