“Bakı Fond Birjası”nın vəzifəli şəxsi cərimə olunub

“Bakı Fond Birjası”nın vəzifəli şəxsi cərimə olunub

Azərbaycan Mərkəzi Bankı “Bakı Fond Birjası” QSC-nin Listinq Komitəsinin sədrini inzibati məsuliyyətə cəlb edib.

BusinessTime xəbər verir ki, tənzimləyici tərəfindən “Bakı Fond Birjası” QSC-də (BFB) aparılmış nəzarət tədbirləri çərçivəsində “Bakı Fond Birjası QSC-də qiymətli kağızların ticarətə qəbulu, listinqə alınması, listinqdə saxlanılması və delistinqi Qaydaları”nın tələblərinin pozulduğu müəyyən edilib.

Bununla əlaqədar AMB tərəfindən BFB-nin Listinq Komitəsinin sədrinə Azərbaycan Respublikasının İnzibati Xətalar Məcəlləsinin 416.0.7-ci maddəsinə əsasən 700 manat məbləğində inzibati cərimə tətbiq edilib.///APA