Vahidə Rzayeva yüksək vəzifəyə təyin edilib
Azərbaycan Dövlət Neft və Sənaye Universitetinin (ADNSU) məzunu - Vahidə Rzayeva “PAŞA Holding”MMC-nin İnsan Resursları və İnzibati işlər departamentinə direktor təyin edilib.
O, müxtəlif illərdə Azercell Telekom MMC və AzerGold QSC-də rəhbər və ekspert vəzifələrində fəaliyyət göstərib.
Vahidə Rzayeva bakalavr təhsilini Azərbaycan Respublikası Prezidentinin Yanında Dövlət İdarəçilik Akademiyasında İdarəetmə ixtisası üzrə (2007–2011), magistr təhsilini isə ADNSU və ABŞ-nin Corciya Dövlət Universitetinin birgə layihəsi olan MBA (Operations Management) proqramında “Əməliyyatların İdarəedilməsi” ixtisası üzrə (2011–2013) tamamlayıb.
ADNSU məzunlarının ölkənin aparıcı şirkətlərində təmsil olunması universitetin yetişdirdiyi peşəkar kadrların uğur göstəricisidir.
