“Aztelekom” ilk dəfə 1000 Mbit/s-yə qədər fiber-internet tariflərini təqdim edir - QİYMƏTLƏR
“Aztelekom” ilk dəfə 1000 Mbit/s-yə qədər fiber-internet tariflərini təqdim edir - QİYMƏTLƏR
AZCON Holding şirkətlərindən olan “Aztelekom” MMC müştəri təcrübəsinin daha da yaxşılaşdırılması istiqamətində növbəti mühüm addımı ataraq 500 Mbit/s və 1000 Mbit/s sürətində yeni fiber-optik internet tariflərini istifadəyə verir.
500 Mbit/s internet 40 manata, 1000 Mbit/s internet 49 manata təklif olunur. Bu tariflərə stasionar telefon. TV, Statik IP əlavə olunmsı ilə qiymətlər 60 manata qədər yüksəlir. Tariflər ilə daha ətraflı buradan tanış ola bilərsiniz.
Qeyd edilib ki, yeni tariflər istifadəçilərə müasir rəqəmsal tələblərə cavab verən daha yüksək sürət, stabil bağlantı və geniş istifadə imkanları təklif edir. Bu tariflərin tətbiqi, xüsusilə video və yayım platformalarından istifadə, onlayn oyunlar, məsafədən iş və təhsil, eləcə də eyni anda çoxsaylı cihazların şəbəkəyə qoşulması kimi gündəlik rəqəmsal ehtiyacların daha keyfiyyətli şəkildə qarşılanması məqsədi daşıyır.
"Yeni 500 Mbit/s və 1000 Mbit/s sürətli tariflərin istifadəyə verilməsi ölkədə yüksəksürətli internet xidmətlərinin inkişafına töhfə verməklə yanaşı, həm fərdi istifadəçilər, həm də biznes üçün daha geniş imkanlar yaradır. Bu da öz növbəsində rəqəmsal iqtisadiyyatın genişlənməsini dəstəkləyir", - “Aztelekom"-dan bildirilib.
Qeyd edilib ki, “Aztelekom” son illərdə ölkənin genişzolaqlı internet infrastrukturunun modernləşdirilməsi istiqamətində ardıcıl investisiyalar həyata keçirib. “Onlayn Azərbaycan” layihəsi çərçivəsində şirkət ölkə üzrə fiber-optik şəbəkənin əhatə dairəsini əhəmiyyətli dərəcədə genişləndirib. Nəticə etibarilə fiber-optik internetin əhatə səviyyəsi təxminən 13 dəfə artaraq ölkə əhalisinin, demək olar ki, 100 faizinə yaxınlaşıb. Eyni zamanda 3 milyondan çox ev təsərrüfatı və biznes subyekti yüksəksürətli fiber-şəbəkə ilə əhatə olunub.
