Cadillac superkar arzusundan əl çəkmir: yarış köklü V-One konsepti təqdim edilib
Cadillac markası superkar yaratmaq ideyasını davam etdirərək V-One adlı yeni konsept avtomobili təqdim edib. Model hazırda yalnız konsept statusundadır, lakin müştərilərin marağı kifayət qədər yüksək olarsa, onun məhdud sayda istehsalına yaşıl işıq yandırıla bilər.
Cadillac V-One əslində V-Series.R yarış prototipinin “mülki” versiyası kimi hazırlanıb. V-Series.R LMDh kateqoriyasında yarışır və IMSA və WEC çempionatlarında uzunmüddətli dözümlülük yarışlarında iştirak edir.
Konseptin dizaynında yarış avtomobilinin aerodinamik həlləri və aqressiv görünüşü qorunub. V-One həmçinin Cadillac-ın yüksək performanslı avtomobillər sahəsində daha iddialı layihələrə keçid imkanlarını nümayiş etdirir.
