Elnur Soltanov yeni vəzifəyə təyin edilib
![Elnur Soltanov yeni vəzifəyə təyin edilib](https://azertag.az/files/2024/1/1200x630/17065516842800334597_1200x630.jpg)
Elnur Soltanov COP29 Azərbaycan üzrə baş icraçı direktor təyin edilib.
Bu barədə COP29-un “X” sosial səhifəsində məlumat verilib.
Qeyd edək ki, Elnur Soltanov 2004-2009-cu illərdə Texas Texnologiya Universiteti, Slippery Rock Universiteti və Truman Dövlət Universitetində pedaqoji fəaliyyətlə məşğul olub. O, 2000-2003-cü illərdə Türkiyədə Avrasiya Strateji Araşdırmalar Mərkəzində tədqiqatçı işləyib, daha sonra 2003-2009-cu illərdə ABŞ-nin Texas Texnologiya Universitetinin siyasi elmlər fakültəsində aspirantura təhsili alıb.
Həmçinin o, 2009-2018-ci illərdə ADA Universitetində baş müəllim, Xəzər Enerji və Ətraf Mühit Mərkəzində direktor, ictimai və beynəlxalq münasibətlər fakültəsində dekan vəzifəsində çalışıb. 2018-ci ildən Azərbaycan Respublikası energetika nazirinin müavinidir.