Taleh Kazımov Özbəkistanda mərkəzi banklar arasında əməkdaşlığı müzakirə edib

Azərbaycan Mərkəzi Bankının sədri Taleh Kazımov Özbəkistana işgüzar səfəri zamanı həmkarı Timur İşmetovla görüşüb. Görüşdə makroiqtisadi vəziyyət və əməkdaşlıq perspektivləri müzakirə edilib.

Taleh Kazımov Özbəkistanda mərkəzi banklar arasında əməkdaşlığı müzakirə edib
Foto: Azərbaycan Respublikasının Mərkəzi Bankı

Azərbaycan Respublikasının Mərkəzi Bankının sədri Taleh Kazımovun rəhbərlik etdiyi nümayəndə heyəti Özbəkistana işgüzar səfər zamanı ölkənin Mərkəzi Bankının sədri Timur İşmetovla görüşüb. Bu barədə BusinessTime Mərkəzi Banka istinadən xəbər verir.

Mərkəzi Bankın 13 oktyabr 2026-cı il tarixli məlumatına görə, görüşdə hər iki ölkədəki makroiqtisadi vəziyyət və qarşıda duran çağırışlar müzakirə olunub. Tərəflər qarşılıqlı maraq doğuran digər məsələlərə də toxunublar.

Görüş iştirakçıları mərkəzi banklar arasında mövcud əməkdaşlığın səviyyəsindən məmnunluqlarını ifadə ediblər. Onlar qarşılıqlı təcrübə mübadiləsinin genişləndirilməsi və əlaqələrin dərinləşdirilməsi perspektivlərini də müzakirə ediblər.