“AzSığorta”nın zərərliliyi artdı - Yığımlarda 700 mindən çox azalma
“AzSığorta” ASC-nin yığımları azalıb.
Cari ilin yanvar-sentyabr aylarında “AzSığorta”ASC 6 milyon 358 min manat sığorta haqqı toplayıb.
Sığorta şirkətinin bu müddət üzrə sığorta ödənişi isə 1 milyon 364 mant təşkil edib.
Ötən ilin eyni dövründə isə “AzSığorta” ASC-nin topladığı sığorta haqqı 7 milyon 75 min manat olub, ödəniş isə 1 milyon 156 min manat hesablanıb.
Beləliklə, “AzSığorta” ASC-nin illik müqayisədə sığorta haqqı 717 min manat və ya 10,13% azalıb, ödənişlərdə isə 208 min manat və ya 17,99% artım olub.
Sığorta şirkətində yığımlarının azalması fonunda ödənişlərin artması yığım-ödəniş nisbətinə mənfi təsir edib, zərərlilik artıb.
Sözügedən sığorta şirkəti cari ilin ilk 9 ayında hər 100 manatdan 21,45 manatı ödəniş üçün ayırıb. Ötən ilin eyni dövründə isə bu məbləğ 16,33 təşkil edib. ///Valyuta.az
