Sığorta şirkətinin rəhbərliyində YENİ TƏYİNAT!
“Meqa Həyat Sığorta” ASC-də yeni təyinat olub.
Məmmədxanov Tural “Meqa Həyat Sığorta”nın İdarə Heyətinin üzvü, Baş Maliyyə Direktoru (CFO) təyin edilib.
Məmmədxanov Tural 2021-ci ilin aprel ayından 2024-cü ilin iyul ayına qədər həmin sığorta şirkətinin baş mühasibi idi.
O, Azərbaycan Dövlət İqtisad Universitetində “Mühasibat uçotu və Audit” üzrə bakalavr dərəcəsinə yiyələnib.
Xatırladaq ki, “Meqa Həyat Sığorta” 2019-cu ildə yaradılıb. Onun nizamnamə kapitalı 11 milyon manatdır. Şirkətin səhmdarı 100% payla “Meqa Sığorta”dır.
Banker.az
