Azərbaycanda avtobus istehsalı 45 %-ə yaxın artıb

Bu ilin yanvar-avqust aylarında Azərbaycanda 224 ədəd avtobus istehsal edilib.

BusinessTime bu barədə Dövlət Statistika Komitəsinə istinadən xəbər verir.

Məlumata görə, bu, 2025-ci ilin yanvar-avqust ayları ilə müqayisədə 44,5 % çoxdur. Nəticədə bu ilin sentyabrın 1-nə 26 ədəd hazır məhsul ehtiyatı yaranıb.

Bu ilin ilk 8 ayı ayında Azərbaycanda 268,3 milyon manatlıq maşın və avadanlıqların, avtomobil, qoşqu və yarımqoşqular istehsal edilib. Məlumata görə, bu, əvvəlki ilin müvafiq ayları ilə müqayisədə maşın və avadanlıqların istehsalı 73,6 % azalıb, avtomobil, qoşqu və yarımqoşquların istehsalı 89,3 % artıb.

Bundan başqa, yanvar-avqust aylarında Azərbaycanda 1 992 ədəd minik avtomobili istehsal olunub ki, bu da ötən ilin 8 ayı ilə müqayisədə 380 ədəd və ya 16,5 % azdır. Nəticədə bu ilin sentyabrın 1-nə 130 ədəd hazır məhsul ehtiyatı yaranıb.

Hesabat dövründə Azərbaycanda 337 ədəd traktor istehsal edilib. Bu, 2025-ci ilin ilk 8 ayı ilə müqayisədə 4,5 % azdır. Bu ilin sentyabrın 1-nə 6 ədəd hazır məhsul ehtiyatı yaranıb.

Həmçinin, bu ilin yanvar-avqust aylarında ölkədə 597 ədəd yük avtomobili istehsal edilib ki, bu da 1 il əvvələ nisbətən 2,7 dəfə çoxdur. Bu ilin sentyabrın 1-nə 51 ədəd hazır məhsul ehtiyatı yaranıb.