"Bakı Kristal Zalı" sığortaçı seçir
Gənclər və İdman Nazirliyinin tabeliyindəki "Bakı Kristal Zalı" MMC 60 əməkdaşının könüllü tibbi sığortalanması üçün açıq tender elan edib.
Tenderdə iştirak haqqı 72 manatdır.
İddiaçılar təkliflərini oktyabrın 20-nə qədər "Bakı Kristal Zalı"nın yerləşdiyi Bakı şəhəri, Səbail rayonu, Dövlət Bayrağı Meydanı ünvanına təqdim edə bilərlər. Təkliflərə oktyabrın 20-də, saat 15:00-da qeyd olunan ünvanda baxılacaq.
Bu xidmətlərin göstərilməsi üçün sığorta şirkətinə 36,2 min manat ödəniləcək.
Ötən il bu tenderin qalibi "Meqa Sığorta" ASC olub. "Bakı Kristal Zalı"nın 75 əməkdaşının sığortalanması üçün 37,2 min manat ödənilib.
